ਤਾਜਾ ਖਬਰਾਂ
ਅੰਮ੍ਰਿਤਸਰ ਦੀ ਪਹਿਚਾਣ ਮੰਨੇ ਜਾਣ ਵਾਲਾ ਹਾਲ ਗੇਟ ਹੁਣ ਮੁੜ ਆਪਣੀ ਪੁਰਾਣੀ ਰੌਣਕ ਵਿੱਚ ਚਮਕਦਾ ਨਜ਼ਰ ਆ ਰਿਹਾ ਹੈ। ਕਾਫੀ ਸਮੇਂ ਤੋਂ ਗਾਇਬ ਰਹਿ ਚੁੱਕਾ ਸਲੋਕ “ਅੰਮ੍ਰਿਤਸਰ ਸਿਫਤੀ ਦਾ ਘਰ” ਮਿਊਂਸੀਪਲ ਕਾਰਪੋਰੇਸ਼ਨ ਵੱਲੋਂ ਦੁਬਾਰਾ ਉਸੇ ਸਥਾਨ 'ਤੇ ਸਜਾਇਆ ਗਿਆ ਹੈ। ਇਸਦੇ ਨਾਲ ਹੀ ਅੰਗਰੇਜ਼ੀ ਦੌਰ ਦੀ ਮਕੈਨੀਕਲ ਘੜੀ, ਜੋ ਕਿ ਸ਼ਹਿਰ ਵਾਸੀਆਂ ਨੂੰ ਲੰਬੇ ਸਮੇਂ ਤੋਂ ਬੰਦ ਹੋਣ ਕਰਕੇ ਸਮਾਂ ਨਹੀਂ ਦੱਸ ਰਹੀ ਸੀ, ਵੀ ਮੁੜ ਚਾਲੂ ਕਰ ਦਿੱਤੀ ਗਈ ਹੈ।
ਡਿਪਟੀ ਕਮਿਸ਼ਨਰ ਸਾਕਸ਼ੀ ਸਾਹਨੀ ਨੇ ਦੱਸਿਆ ਕਿ ਸ਼ਹਿਰ ਵਾਸੀਆਂ ਦੀ ਮੰਗ ਅਨੁਸਾਰ ਨਿੱਜੀ ਦਿਲਚਸਪੀ ਲੈ ਕੇ ਕਾਰਪੋਰੇਸ਼ਨ ਦੇ ਕਮਿਸ਼ਨਰ ਗੁਲਪ੍ਰੀਤ ਸਿੰਘ ਔਲਖ ਦੇ ਸਹਿਯੋਗ ਨਾਲ ਇਹ ਕਾਰਜ ਪੂਰਾ ਕੀਤਾ ਗਿਆ ਹੈ। ਸਲੋਕ ਨੂੰ ਪੁਰਾਣੀ ਰਵਾਇਤ ਅਨੁਸਾਰ ਚਿੱਟੇ ਰੰਗ ਵਿੱਚ ਹੀ ਦਰਸਾਇਆ ਗਿਆ ਹੈ।
ਉਨ੍ਹਾਂ ਨੇ ਕਿਹਾ ਕਿ ਲੋਕ ਨਿਰਮਾਣ ਵਿਭਾਗ ਦੀ ਮਦਦ ਨਾਲ ਹਾਲ ਗੇਟ ਉੱਤੇ ਘੜੀ ਵੀ ਮੁੜ ਚਾਲੂ ਕੀਤੀ ਗਈ ਹੈ ਅਤੇ ਅਪੀਲ ਕੀਤੀ ਕਿ ਸ਼ਹਿਰ ਵਾਸੀ ਸ਼ਹਿਰ ਦੀ ਸਫਾਈ ਅਤੇ ਸ਼ਾਨ-ਸ਼ੌਕਤ ਨੂੰ ਕਾਇਮ ਰੱਖਣ ਵਿੱਚ ਸਹਿਯੋਗ ਕਰਨ।
Get all latest content delivered to your email a few times a month.
